ദുബൈ: ഒരൊറ്റ ചിത്രത്തിലൂടെ ദുബൈയില് ശ്രദ്ധേയനായി മലയാളി യുവാവ്. കോഴിക്കോട് സ്വദേശിയും ഫ്രീലാന്സ് ഫോട്ടോഗ്രാഫറുമായ നിഷാസ് അഹ്മദ് ഇന്സ്റ്റാഗ്രാമില് പങ്കുവെച്ച ചിത്രത്തിന് ദുബൈ കിരീടാവകാശിയും എക്സിക്യൂട്ടീവ് കൗണ്സില് ചെയര്മാനുമായ ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം കമന്റ് ഇട്ടതോടെയാണ് ഇദ്ദേഹം ശ്രദ്ധേയനായത്.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
ദുബൈയുടെ മുഖമായി മാറിയ ബുർജ് ഖലീഫ പശ്ചാത്തലമാക്കി പകർത്തിയ അതിമനോഹര ചിത്രമാണ് ഹംദാന്റെ മനം കവർന്നിരിക്കുന്നത്.
ബുര്ജ് ഖലീഫ പശ്ചാത്തലമാക്കി 28കാരനായ നിഷാസ് പകര്ത്തിയ ചിത്രമാണ് ശൈഖ് ഹംദാന്റെ ഹൃദയം കവര്ന്നത്. തന്റെ ഇന്സ്റ്റാഗ്രം പേജില് നിന്നാണ് ശൈഖ് ഹംദാന് ചിത്രത്തിന് താഴെ കമന്റിട്ടത്. എന്നാല് ഇത് വിശ്വസിക്കാനാവുന്നില്ലെന്നും നന്ദി അറിയിക്കുന്നതായും നിഷാസ് മറുപടിയും നല്കി. അമേരിക്കയില് നിന്നും വന്ന തന്റെ സുഹൃത്തുക്കളിലൊരാള് ബഹുനില കെട്ടിടത്തിന്റെ ടെറസില് ഇരിക്കുന്ന ചിത്രമാണ് നിഷാസ് പകര്ത്തിയത്.
ദുബൈയിലെ ബുര്ജ് ഖലീഫയും മറ്റ് കെട്ടിടങ്ങളും പശ്ചാത്തലമായി വരുന്നതാണ് ചിത്രം. കഴിഞ്ഞ വര്ഷം ദുബൈ മാള് ഫൗണ്ടന് മുന്നിലൂടെ ബോട്ട് പോകുന്ന നിഷാസ് പകര്ത്തിയ ചിത്രത്തിന് ശൈഖ് ഹംദാന് ലൈക്ക് അടിച്ചിരുന്നു. 2019ലാണ് നിഷാസ് ദുബൈയില് എത്തിയത്.
