റിയാദ്: ഗർഭാശയ ക്യാൻസറിൽ നിന്ന് സംരക്ഷണം നൽകാൻ ചെറുപ്രായത്തിൽ തന്നെ HPV വാക്സിൻ കുത്തിവെപ്പുമായി സഊദി ആരോഗ്യ മന്ത്രാലയം രംഗത്ത്. ചെറുപ്രായത്തിൽ തന്നെ എച്ച്പിവി വാക്സിൻ നൽകുന്നത് ഗർഭാശയ അർബുദത്തിൽ നിന്ന് സംരക്ഷിക്കുന്നുവെന്ന് ശനിയാഴ്ചആരോഗ്യ മന്ത്രാലയം പറഞ്ഞു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
ഇന്നത്തെ പ്രതിരോധ കുത്തിവയ്പ്പുകൾ നാളത്തേക്കുള്ള സംരക്ഷണമാണെന്ന് ആരോഗ്യ മന്ത്രാലയം ട്വിറ്ററിലെ ഔദ്യോഗിക അക്കൗണ്ടിലൂടെ സൂചിപ്പിച്ചു. പ്രതിരോധ കുത്തിവയ്പ്പുകൾ എച്ച്പിവിക്കെതിരെയുള്ള പ്രതിരോധശേഷി വർദ്ധിപ്പിക്കുമെന്നും ആരോഗ്യ മന്ത്രാലയം കൂട്ടിച്ചേർത്തു.
ചെറുപ്രായത്തിൽ തന്നെ മകൾക്ക് എച്ച്പിവി വാക്സിൻ നൽകുന്നത് ഗർഭാശയ അർബുദത്തിൽ നിന്ന് സ്ത്രീകളെ സംരക്ഷിക്കുമെന്ന് മന്ത്രാലയം ഊന്നിപ്പറഞ്ഞു.
മയോ ക്ലിനിക്ക് റിപ്പോർട്ട് അനുസരിച്ച്, ഹ്യൂമൻ പാപ്പിലോമ വൈറസ് ഒരു വൈറൽ അണുബാധയാണ്, ഇത് ചർമ്മത്തിലോ അരിമ്പാറ വളർച്ചയ്ക്ക് കാരണമാകുന്നു. 100-ലധികം തരം HPV ഉണ്ട് എന്നാണ് പഠനങ്ങൾ. അവയിൽ ചിലത് വ്യത്യസ്ത തരത്തിലുള്ള ക്യാൻസറിന് കാരണമാകുമെന്നും പഠനങ്ങൾ കണ്ടെത്തിയിട്ടുണ്ട്.
