സഊദിയിൽ നാളെ ചെറിയ പെരുന്നാൾ ആഘോഷിക്കുകയാണ്. നാടാകെ ആഘോഷത്തിമർപ്പിലാണ്. കൊവിഡ് നിയന്ത്രണങ്ങൾ ഏറെക്കുറെ ഒഴിവായ സാഹചര്യത്തിൽ ഏറെ ആഹ്ലാദപൂർവമാണ് പ്രവാസികളും സ്വദേശികളും പെരുന്നാൾ ആഘോഷത്തിലേക്ക് കടക്കുന്നത്. സഊദിയിൽ ഓരോ പ്രദേശങ്ങളിളെയും പെരുന്നാൾ നിസ്കാര സമയങ്ങൾ ഇപ്രകാരമാണ്.
മക്ക: 06:04
മദീന: 06:01
റിയാദ്: 05:33
ബുറൈദ: 05:41
ദമാം: 05:17
അബഹ: 05:58
തബൂക്: 06:08
ഹായിൽ: 05:49
അറാർ: 05:46
ജിസാൻ: 05:59
നജ്രാൻ: 05:52
അൽ ബാഹ: 06:00
സകാക: 05:51
ചെറിയ പെരുന്നാൾ നമസ്ക്കാരം സൂര്യോദയത്തെത്തുടർന്ന് 15 മിനുട്ട് കഴിഞ്ഞായിരിക്കുമെന്ന് സഊദി മതകാര്യ വകുപ്പ് നേരത്തെ വ്യക്തമാക്കിയിരുന്നു.
സഊദിക്ക് പുറമെ ഖത്തർ ,യു എ ഇ, കുവൈത്ത്, ബഹ്റൈൻ എന്നീ ഗൾഫ് രാജ്യങ്ങളിലും തിങ്കളാഴ്ചയാണ് ചെറിയ പെരുന്നാൾ. ഒമാനിൽ ഇന്ന് (ഞായറാഴ്ച) മാസപ്പിറവി ദർശിച്ചാൽ നാളെ (തിങ്കളാഴ്ച) യായിരിക്കും മറ്റു ഗൾഫ് രാജ്യങ്ങൾക്കൊപ്പം ചെറിയ പെരുന്നാൾ. അല്ലയെങ്കിൽ ചൊവ്വാഴ്ച ആയിരിക്കും ഒമാനിൽ റമദാൻ 30 പൂർത്തീകരിച്ച് ചെറിയ പെരുന്നാൾ ആഘോഷം.
