റിയാദ്: സഊദി-യുഎസ് സൈനിക പങ്കാളിത്തം മേഖലയിൽ പ്രകടമായ ഫലങ്ങൾ നൽകിയെന്ന് യുഎസ് സ്റ്റേറ്റ് ഡിപ്പാർട്ട്മെന്റ് പ്രാദേശിക വക്താവ് ജെറാൾഡിൻ ഗ്രിഫിത്ത്സ് സ്ഥിരീകരിച്ചു. സഊദിക്ക് നേരെയുള്ള ഹൂതി ആക്രമണങ്ങളിൽ 90 ശതമാനവും തടയാൻ യുഎസ് പാട്രിയറ്റ് പ്രതിരോധ സംവിധാനം സംഭാവന ചെയ്തതായി ചൂണ്ടിക്കാട്ടി.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
മിഡിൽ ഈസ്റ്റിലെ തങ്ങളുടെ പങ്കാളികൾക്ക് സൈനിക സഹായം നൽകാൻ അമേരിക്ക പ്രവർത്തിക്കുന്നുണ്ടെന്ന് അൽ ഹദസ് ചാനലിന് നൽകിയ അഭിമുഖത്തിൽ ഗ്രിഫിത്ത്സ് കൂട്ടിച്ചേർത്തു.
രാജ്യത്തെ സിവിലിയൻ, എണ്ണ കേന്ദ്രങ്ങൾക്കെതിരെ ഹൂത്തി മിലിഷ്യ നടത്തിയ ആക്രമണങ്ങളെ യുണൈറ്റഡ് സ്റ്റേറ്റ്സ് അപലപിക്കുകയും ദേശീയ താൽപ്പര്യങ്ങളും ആഗോള ഊർജ്ജ വിതരണവും സംരക്ഷിക്കുന്നതിന് ആവശ്യമായ നടപടികൾ കൈക്കൊള്ളാനുള്ള സഊദിയുടെ അവകാശത്തെ സ്ഥിരീകരിക്കുകയും ചെയ്തു.
ഈ ആക്രമണങ്ങളുടെ അനന്തരഫലങ്ങളിലും സിവിലിയൻമാരിലും ആഗോള ഊർജ വിപണികളിലും അവ ചെലുത്തുന്ന പ്രത്യാഘാതങ്ങളും ഹൂതികൾ പ്രതികളായിരിക്കും. എണ്ണ കേന്ദ്രങ്ങളുടെ സുരക്ഷ വർദ്ധിപ്പിക്കുന്നതിനും എണ്ണ വിപണിയിലെ നിലവിലെ വെല്ലുവിളികളെ അഭിമുഖീകരിക്കുന്നതിനും അമേരിക്ക സഊദിയുമായി ചേർന്ന് പ്രവർത്തിക്കുന്നുവെന്നും. സമ്മർദ്ദത്തിന്റെ ഭാഗമായി ഊർജവിപണിയെ ഉപയോഗിക്കുന്നതിൽ നിന്ന് എല്ലാവരെയും തടയാനുള്ള ശ്രമവും നടക്കുന്നുവെന്നും അവർ കൂട്ടിച്ചേർത്തു.
