ബീജിങ്: ചൈന ഈസ്റ്റേൺ എയർലൈൻസിന്റെ പാസഞ്ചർ ജെറ്റ് 133 യാത്രക്കാരുമായി തകർന്നുവീണു. തെക്കൻ ചൈനയിലാണ് 133 പേരുമായി പോയ വിമാനം പാർവ്വതത്തിൽ തകർന്നു വീണത്. ചൈനീസ് ഈസ്റ്റേൺ എയർലൈൻസ് നടത്തുന്ന ബോയിംഗ് 737-800 വിമാനമാണ് കുൻമിംഗ് നഗരത്തിൽ നിന്ന് ഗ്വാങ്ഷൗവിലേക്ക് ആഭ്യന്തര റൂട്ടിൽ പറക്കുന്നതിനിടെ ഗുവാങ്സി പ്രവിശ്യയിലെ ഒരു കുന്നിൻ മുകളിൽ തകർന്നുവീണതെന്ന് ചൈനീസ് സ്റ്റേറ്റ് മീഡിയ റിപ്പോർട്ട് ചെയ്തു.
വാർത്തകൾ നേരിട്ട് ഉടൻ ലഭിക്കാൻ ഇവിടെ ക്ലിക്ക് ചെയ്യുക
അപകടസ്ഥലത്തിന് സമീപം രക്ഷാപ്രവർത്തകർ എത്തിയിട്ടുണ്ട്, എന്നാൽ ആളപായത്തെക്കുറിച്ചോ എന്താണ് തകരാൻ കാരണമെന്നോ വ്യക്തമല്ല. ഫ്ലൈറ്റ് റഡാർ 24 വെബ്സൈറ്റിലെ വിവരങ്ങൾ പ്രകാരം വിമാനത്തിന് ആറ് വർഷം മാത്രമാണ് പഴക്കം.
പ്രാദേശിക സമയം ഉച്ചയ്ക്ക് 1:11 ന് ഫ്ലൈറ്റ് പുറപ്പെട്ടതായി ഫ്ലൈറ്റ് റഡാർ 24 ഡാറ്റ കാണിക്കുന്നു. 376 നോട്ട് വേഗതയിൽ 3,225 അടി ഉയരത്തിൽ 2:22 ന് ഫ്ലൈറ്റ് തകർന്നു വീണു. പ്രാദേശിക സമയം ഉച്ചകഴിഞ്ഞ് 3.05 നാണ് വിമാനം ലാൻഡ് ചെയ്യേണ്ടിയിരുന്നത്.
ചൈനയുടെ എയർലൈൻ വ്യവസായത്തിന്റെ സുരക്ഷാ റെക്കോർഡ് കഴിഞ്ഞ ദശകത്തിൽ ലോകത്തിലെ ഏറ്റവും മികച്ചതാണ്. ഏവിയേഷൻ സേഫ്റ്റി നെറ്റ്വർക്ക് അനുസരിച്ച് ചൈനയുടെ അവസാന വിമാന ദുരന്തം 2010 ൽ ആയിരുന്നു ഹെനാൻ എയർലൈൻസ് പറത്തിയ എംബ്രയർ ഇ-190 റീജിയണൽ ജെറ്റ് യിചുൻ വിമാനത്താവളത്തിലേക്ക് അടുക്കുമ്പോൾ തകർന്ന് വിമാനത്തിലുണ്ടായിരുന്ന 96 പേരിൽ 44 പേർ മരിച്ചു.
