കംപാല: ഉഗാണ്ടയിലെ പ്രശസ്തമായ നേച്ചർ പാർക്കിൽ ഗെയിം ഡ്രൈവിനിടെ ആന ചവിട്ടിക്കൊന്ന വിനോദ സഞ്ചാരി ചില മാധ്യമങ്ങൾ അവകാശപ്പെടുന്നത് പോലെ സഊദി പൗരനല്ലെന്ന് കമ്പാലയിലെ സഊദി എംബസി വ്യക്തമാക്കി. ഉഗാണ്ടയിലെ പ്രകൃതി സംരക്ഷണ കേന്ദ്രത്തിൽ ഒരു സഊദി വിനോദസഞ്ചാരി ആനകളുടെ മർദ്ദനത്തിൽ മരിച്ചുവെന്നാണ് ചില മാധ്യമങ്ങൾ റിപ്പോർട്ട് ചെയ്തിരുന്നത്. സഊദിയിലെ പ്രശസ്തമായ അൽ അറബിയ ചാനലും ഇത് റിപ്പോർട്ട് ചെയ്തിരുന്നു.
എന്നാൽ, സഊദി പൗരനാണ് കൊല്ലപ്പെട്ടതെന്ന വാർത്ത നിഷേധിച്ച എംബസി റിപ്പോർട്ടിലെ അപാകത ചൂണ്ടിക്കാണിക്കുകയും റിസർവ് ഭരണകൂടം അറിയിച്ചതുപോലെ ടൂറിസ്റ്റ് സഊദി പൗരനല്ലെന്ന് വ്യക്തമാക്കുകയും ചെയ്തു. മർച്ചിസൺ വെള്ളച്ചാട്ടം ദേശീയ ഉദ്യാനത്തിൽ ചൊവ്വാഴ്ച സുഹൃത്തുക്കളോടൊപ്പം യാത്ര ചെയ്തിരുന്നയാൾ വാഹനം ഒഴിവാക്കി പുറത്തിറങ്ങിയതോടെയാണ് ആക്രമണം ഉണ്ടായതെന്ന് ഉഗാണ്ട വൈൽഡ് ലൈഫ് അതോറിറ്റി വക്താവ് ബഷീർ ഹാംഗി പറഞ്ഞു.
ഇത്തരം സംഭവങ്ങൾ ആവർത്തിക്കാതിരിക്കാൻ” സുരക്ഷാ പ്രോട്ടോക്കോളുകൾ അവലോകനം ചെയ്തതിനാൽ വിനോദസഞ്ചാരിയുടെ മരണം പോലീസ് അന്വേഷിക്കുമെന്ന് പാർക്ക് അധികൃതർ പറഞ്ഞു. കിഴക്കൻ ആഫ്രിക്കൻ രാജ്യത്ത് മൃഗങ്ങളുടെ ആക്രമണം കേട്ടുകേൾവിയില്ലാത്ത കാര്യമല്ല. 2018-ൽ, രാജ്യത്തിന്റെ പടിഞ്ഞാറൻ ഭാഗത്തുള്ള മറ്റൊരു പാർക്കിൽ ഒരു വനിതാ ഗെയിം റേഞ്ചറുടെ മൂന്ന് വയസ്സുള്ള മകനെ പുള്ളിപ്പുലി തട്ടിയെടുത്ത് ഭക്ഷിച്ചിരുന്നു.
2021©Malayalam Press