റിയാദ്: സഊദി അറേബ്യൻ എയർലൈൻസ് വിമാനം കെയ്റോ ഇന്റർനാഷണൽ എയർപോർട്ടിൽ റൺവേയിൽ പറന്നുയരാൻ ഒരുങ്ങുന്നതിനിടെ വിമാനത്താവള ഗ്രൗണ്ടിലെ ക്രെയിനിൽ കൂട്ടിയിടിച്ചു.
റിയാദിലേക്ക് പോകേണ്ട 313-ാം നമ്പർ വിമാനം കെയ്റോ അന്താരാഷ്ട്ര വിമാനത്താവളത്തിൽ യാത്രക്കായുള്ള ഒരുക്കങ്ങളെല്ലാം പൂർത്തിയാക്കി പറക്കാൻ ഒരുങ്ങുന്നതുനിടെയാണ് അപകടം.
യാത്രക്കാർ സഊദി എയർലൈൻസ് വിമാനത്തിൽ കയറിയ ശേഷം, ടേക്ക് ഓഫ് ചെയ്യാനുള്ള എല്ലാ നടപടിക്രമങ്ങളും തയ്യാറെടുപ്പുകളും പൂർത്തിയാക്കിയ ശേഷം വിമാനം പറക്കാൻ ഒരുങ്ങുന്നതിനിടെ റൺവേയിലെ ഗ്രൗണ്ട് സർവീസ് ക്രെയിനുകളിലൊന്നിൽ കൂട്ടിയിടിക്കുകയായിരുന്നുവെന്ന് ബന്ധപ്പെട്ട വൃത്തങ്ങളെ ഉദ്ധരിച്ച് “ഈജിപ്ഷ്യൻ ന്യൂസ് ടുഡേ” പോർട്ടൽ റിപ്പോർട്ട് ചെയ്തു. .
കൂട്ടിയിടിയിൽ വിമാനത്തിന്റെ ചിറകിനും ഹെഡ്ലൈറ്റിനും സാരമായ കേടുപാടുകൾ സംഭവിച്ചു. തുടർന്ന് ഫ്ലൈറ്റ് റദ്ദാക്കുകയും അറ്റകുറ്റപ്പണികൾക്കായി വിമാനം മാറ്റുകയും ചെയ്തു. കൂട്ടിയിടിയുടെ കാരണങ്ങൾ കണ്ടെത്താൻ അന്വേഷണം ആരംഭിച്ചു
സഊദി എയർലൈൻസ് വിമാനം എയർബസ് എ 330-300 ആണെന്നും 6 ക്രൂ അംഗങ്ങളെ കൂടാതെ റിയാദിലേക്ക് പോകുന്ന യാത്രക്കാരുമായി HZ-AQ1 എന്ന അക്ഷരങ്ങൾ രജിസ്റ്റർ ചെയ്തതാണെന്നും ബന്ധപ്പെട്ട വൃത്തങ്ങൾ ചൂണ്ടിക്കാട്ടി.
