ജിദ്ദ: ഇന്ത്യൻ യൂണിയൻ മുസ്‌ലിം ലീഗിന്റെ മുൻ പ്രസിഡന്റ് പരേതനായ സയ്യിദ് അബ്ദുറഹ്മാൻ ബാഫഖി തങ്ങളുടെ പുത്രൻ സയ്യിദ് ഉമർ ബാഫഖി തങ്ങൾ (68 ) ജിദ്ദയിൽ നിര്യാതനായി. ഇന്നലെ രാത്രി ജിദ്ദയിലെ കിംഗ് ഫഹദ് ഹോസ്പിറ്റലിൽ വെച്ചായായിരുന്നു അന്ത്യം. കുറച്ച് നാളായി രോഗം ബാധിച്ച് ആശുപത്രിയിൽ ചികിത്സയിലായിരുന്നു.
ഏറെ കാലമായി ജിദ്ദയിൽ ബിസിനസ്സ് നടത്തി വരികയായിരുന്ന ഇദ്ദേഹം സമേതം ഇവിടെ ആയിരുന്നു. ഭാര്യ: സഊദി പൗരയായ റൗദ അലവി. മക്കൾ: സരീജ്‌, ആഫ്രഹ്‌, അബ്റാർ, അഷ്‌റാഫ്.
ഖബറടക്കം കൊവിഡ് മാനദണ്ഡം പാലിച്ചു കൊണ്ട് ജിദ്ദയിൽ നടത്തപ്പെടും. നിയമ നടപടികൾ പൂർത്തിയാക്കാനും മറ്റും കുടുംബങ്ങൾക്കൊപ്പം ജിദ്ദ കെ.എം.സി.സി. വെൽഫയർ വിംഗും രംഗത്തുണ്ട്.
