മുംബൈ: സഊദി വിദേശകാര്യ മന്ത്രാലയത്തിൻ്റെ വെബ്സൈറ്റ് വഴി മൾട്ടിപ്പിൽ എൻട്രി ഫാമിലി വിസിറ്റ് വിസക്ക് അപേക്ഷ നൽകാൻ ശ്രമിക്കുമ്പോൾ മൾട്ടിപ്പിൾ എൻട്രിക്കുള്ള ഓപ്ഷൻ ഓപ്ഷൻ ലഭ്യമല്ലാത്തത് സഊദി പ്രവാസികളെ നിരാശരാക്കുന്നു. നാട്ടിലെ വെക്കേഷൻ സമയത്ത് കുടുംബങ്ങളെ സഊദിയിലേക്ക് കൊണ്ട് വരാൻ ഉദ്ദേശിക്കുന്നവർക്ക് ആണ് പുതിയ തടസ്സം നിരാശ നൽകുന്നത്. നിലവിൽ സിംഗിൾ എൻട്രി വിസിറ്റ് വിസക്കുള്ള അപേക്ഷ മാത്രമാണ് നൽകാൻ സാധിക്കുന്നുള്ളൂ.
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
ഇന്നലെ വൈകീട്ടോടെ ഇങ്ങനെ കാണിച്ചു തുടങ്ങിയതായി ഞങ്ങൾ വാർത്ത പ്രസിദ്ധീകരിച്ചിരുന്നു. ഇന്ത്യക്കാർക്ക് മൾട്ടി കുടുംബ വിസ നിർത്തിവെച്ചുവെന്ന തരത്തിൽ പോസ്റ്ററുകൾ പുറത്ത് വരുന്നുണ്ടെന്നും എന്നാൽ, അത്തരം പോസ്റ്റ് വ്യാജമാണെന്നും കാണിച്ച് ചില മീഡിയകളിൽ വാർത്തയും വന്നതോടെ പ്രവാസികൾ പിന്നീട് അന്വേഷണങ്ങളോട് അന്വേഷണം ആയിരുന്നു. എന്നാൽ, വെള്ളിയാഴ്ച വൈകീട്ടടെ മൾട്ടി ഓപ്ഷൻ സൈറ്റിൽ കാണിക്കുന്നില്ല എന്നും, സിംഗിൾ എൻട്രി ഓപ്ഷൻ മാത്രമാണ് കാണിക്കുന്നതെന്നും വിശദീകരിച്ച് വിശദമായ വാർത്ത മലയാളം പ്രസ്സ് പ്രസിദ്ധീകരിച്ചത്തോടെ പ്രവാസികൾക്ക് യാഥാർഥ്യം ബോധ്യമായി.
അതേസമയം, നിലവിലത്തേത് സാങ്കേതിക പ്രശ്നമാണോ അതോ താൽക്കാലികമായി ഈ സേവനം നിറുത്തി വെച്ചതാണോ എന്നത് ഇനിയും വ്യക്തമായിട്ടില്ല. ഏതായാലും ഔദ്യോഗികമായി മൾട്ടി എൻട്രി ഫാമിലി വിസ നിറുത്തിവെക്കുന്നതായി യാതൊരു അറിയിപ്പും ഇത് വരെ വന്നിട്ടില്ല എന്നത് പ്രവാസികൾക്ക് പ്രതീക്ഷ നൽകുന്നുണ്ട്.
ഇന്ത്യക്കാർക്ക് മൾട്ടി എൻട്രി ഫാമിലി വിസ സംവിധാനം പൂർണ്ണമായും നിർത്തി വെച്ചതാണോ താത്കാലികമായി നിർത്തി വെച്ചതാണോ അതോ ടെക്നിക്കൽ പ്രശ്നം ആണോ എന്നൊന്നും വ്യക്തമല്ല. നിലവിൽ മൾട്ടി എൻട്രി ഫാമിലി വിസ ലഭിക്കുന്നില്ല എന്ന് മാത്രമാണ് ഇപ്പോൾ പറയാനാകുന്നത്.
അതിനിടെ, ഇന്ത്യയുൾപ്പെടെ 14 രാജ്യങ്ങൾക്ക് സഊദി അറേബ്യ മൾട്ടിപ്പിൾ എൻട്രി ഫാമിലി വിസിറ്റ് വിസ നിർത്തിയതായി പ്രചരണം നടക്കുന്നുണ്ട്. സമൂഹമാധ്യമങ്ങളിലാണ് ഇത് സംബന്ധിച്ച പോസ്റ്റർ പ്രചരിക്കുന്നത്. ചില ട്രാവൽസ് ഏജൻസികളാണ് ഇങ്ങനെ ഒരു പോസ്റ്റർ പ്രചരിപ്പിച്ചത്. എന്നാൽ ഇത്തരത്തിലുള്ള യാതൊറു അറിയിപ്പുകളും സഊദി ജവാസാത്തിൽ നിന്നോ വിദേശകാര്യ മന്ത്രാലയത്തിൽ നിന്നോ ഔദ്യോഗികമായി പുറത്തിറങ്ങിയിട്ടില്ല.
എത്യോപ്പ്യ, ജോർദാൻ, ഇന്ത്യ, പാക്കിസ്ഥാൻ, ബംഗ്ലാദേശ്, അൾജീരിയ, സുഡാൻ, ഇറാക്ക്, മൊറോക്കോ, യെമൻ, ഇന്തോനേഷ്യ, തുനീഷ്യ, ഈജിപ്ത് നൈജീരിയ തുടങ്ങിയ രാജ്യങ്ങളിലെ വിദേശികൾക്ക് ഒരു വർഷത്തേക്ക് അനുവദിച്ചിരുന്ന മൾട്ടിപ്പിൾ എൻട്രി ഫാമിലി വിസിറ്റ് വിസ താൽക്കാലികമായി നിറുത്തിവെച്ചതായാണ് പോസ്റ്ററുകളിൽ പറയുന്നത്. മലയാളത്തിലും ഇംഗ്ലീഷിലും പ്രചരിക്കുന്ന പോസ്റ്ററിലെ വിവരം കൃത്യമാണോ എന്നറിയാൻ പ്രവാസികൾ ട്രാവൽ ഏജൻസികളുമായും മാധ്യമ സ്ഥാപനങ്ങളുമായും ബന്ധപ്പെടുകയാണ്. ഇംഗ്ലീഷിൽ കൂടി പോസ്റ്റർ പ്രചരിക്കുന്നതിനാൽ മറ്റു രാജ്യങ്ങളിലുള്ളവരും ആശങ്കയിലാണ്.
നാട്ടിൽ വേനലവധിക്ക് സഊദിയിലേക്ക് വരാനിരിക്കുന്ന കുടുംബങ്ങൾ വാർത്ത കണ്ട് ആശങ്കയറിയിക്കുന്നുണ്ട്. എന്നാൽ, മൾട്ടിപ്പിൾ എൻട്രി വിസ ലഭ്യാകുന്നില്ല എന്നത് യാഥാർഥ്യമാണ്. അതേസമയം, സിംഗിൾ എൻട്രി വിസ ലഭ്യമാണ്. നിലവിൽ മൾട്ടി ഫാമിലി വിസ ലഭിച്ചവർക്ക് വിസ സ്റ്റാമ്പിങ് നടനന്നേക്കുമെന്നാണ് ട്രാവൽസ് ഏജൻസികൾ അറിയിച്ചത്. അങ്ങനെയാണെങ്കിൽ വിസ ലഭിച്ചവർക്ക് VFS വഴി വിസ സ്റ്റാമ്പ് ചെയ്ത് സഊദിയിലേക്ക് വരാവുന്നതാണ്. എന്നാൽ, ഇക്കാര്യത്തിലും വ്യക്തത വരേണ്ടതുണ്ട്
വാർത്തകളും ജോബ് വേക്കൻസികളും നേരിട്ട് ഉടൻ ലഭിക്കാൻ ഞങ്ങളുടെ വാട്ട്സ്സാപ്പ് ചാനൽ ഫോളോ ചെയ്യൂ…. ഇവിടെ ക്ലിക്ക് ചെയ്യുക
വാർത്തകളും ജോബ് വേക്കൻസികളും വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
